И во време на СДСМ имаше глупи луѓе на раководни функции, ама овие во ВМРО не се добројуваат

Да ви кажам право и во времето (она кратко време) кога на чело на државата беше СДСМ, имаше глупи луѓе на раководни функции. Мерењето на глупоста тогаш ја правеа само неколку невладини организации (меѓу кои најистакнат беше Хелсиншкиот комитет за човекови права).
Во долгиот период во кој на власт е ДПМНЕ-националсоцијалистичка, бројот на глупаци на високи функции доби епски размери и над 100 невладини организации не можат да навасаат и да ја измерат севкупната глупост која се продуцира од страна на овие луѓе.
Има разлика.
Исто како што има разлика меѓу воздухот кој го дишеме кога ќе уништиш една четвртина од зелените површини во градот, кога ќе овозможиш увоз на стари автомобили, камиони, автобуси и се останато што оди на четири тркала и испушта огромни облаци чад, кога нема да мрднеш со прст да го средиш спалувањето на ѓубриштата, кога ќе ги доведеш до тоа ниво луѓето да не можат да си купат ни дрво за огрев па мора да горат стари гуми, кога нема инспекција која реагира на малите индустриски капацитети без никакви филтри ниту на безбројните каменоломи кои како печурки никнуваат во и околу градот.
Има разлика. Ама има и луѓе кои едноставно не сакаат да ја видат. Со сила памет никому не можеш да му дадеш. А и нивните деца умираат.


Leave a Reply

Your email address will not be published. Required fields are marked *

*

WpCoderX